2016 оны 9 сарын 9-нд FLAMME үүсгэн байгуулагдаж, үүд хаалгаа нээсэн цагаас хойш бид гоо сайхны салбарт тасралтгүй өсөн дэвжиж, хүн бүрийн гоо сайханд хувь нэмэр оруулах, мэдлэг түгээх зорилгоо үргэлж эрхэмлэн ажиллаж ирлээ.  Бидэнд итгэж арьс, гоо сайхнаа даатган үйлчлүүлдэг эрхэм үйлчлүүлэгчид, хамтран ажилладаг байгууллагууд, ambassador-ууд болон үе үеийн хамт олондоо чин сэтгэлийн талархлаа илэрхийлье.

   Анх 2016 оны 9 сарын 9-нд FLAMME маань үүсгэн байгуулагдаж үүд хаалгаа нээж байсан бөгөөд 2017 оны 12 сард буюу яг жилийн дараа үйл ажиллагаагаа өргөжүүлэн шинэ байршилд нүүн орсон. Ингэхдээ нүүр будалт болон сургалтын үйлчилгээг нэвтрүүлэн бүсгүйчүүдийнхээ гоо сайхны мэдлэгт хөрөнгө оруулалт хийж эхэлсэн нь бидний хувьд маш том өөрчлөлт авчирсан жил байсан юм.

2018 оноос эхлэн манай дэлгүүрт худалдаалагддаг арьс арчилгааны бүтээгдэхүүнүүдийн брендүүд эрс нэмэгдэж бид бүтээгдэхүүн судалгааг эрчимтэй хийж эхлэв. Мөн нэг удаагийн арьс арчилгааны зөвлөгөөг бүсгүйчүүдэд өгч эхэлсэн нь одоогийн арьс арчилгааны ментор үйлчилгээний эхлэл байсан билээ.

2019 Манай FLAMME-ын түүхэн дэх 2дахь том эргэлт бол бид одоогийн байршил болох WHITE GATE CENTER-д нүүн шилжсэн явдал билээ. Өмнөх байршлаасаа 5 дахин том болж дэлгүүрийн үйл ажиллагаа маань улам өргөжин, олон олон үйлчлүүлэгчид нэмэгдсэн билээ. Мөн бусад үйлчилгээ, сургалтын өрөөнүүдийг тус бүрд нь гаргаж өгсөн нь манай үйлчлүүлэгч нар тав тухтай байх боломжийг бүрдүүлсэн. FLAMME COMPLEX-ийн маань суурь тавигдав

2020 онд дэлхий нийтийг хамарсан COVID-19 цар тахал дэгдэн бид том шалгууртай тулсан ч нөгөөтээгүүр бүх үйл ажиллагааг цахим хэлбэрт шилжүүлсэн нь асар том шинэчлэлт дагуулсан билээ. Ийнхүү цахим зөвлөгөө, сургалтууд маань өргөжин өдгөө Монгол орны 21 аймаг төдийгүй, дэлхийн өнцөг булан бүрд үйлчлүүлэгчидтэй болж цахим борлуулалт үйлчилгээнд түлхүү анхаарсан.

2021 онд шинэ салбар болох FLAMENTOR үүд хаалгаа нээсэн баярт жил билээ. Дээрхи 5 жилийн хугацаанд бидний зорьсон гол зүйл нь үйлчлүүлэгч нар болон хүмүүст гоо сайхны мэдлэг түгээх хүн бүрийг өөрийн гоо сайханд анхаардаг болгоход чиглэж байсан. Одоог хүртэл тус зорилгоо гол тулгуур болгон баримталж ажиллаж байна. Тэр ч утгаараа Монголд анх удаа арьс арчилгааны оношилгоо хийн, зөвлөгөө өгч ментор нь болдог VIP арьс арчилгааны SKIN MENTOR  үйлчилгээ гаргаж ирэн шинэ салбараа нээсэн билээ. 

2022 онд 2дахь салбар маань маань өргөжин томорч 6-р сард FLAMME_MENTOR буюу ментор үйлчилгээ, дэлгүүрийн худалдаа үйлчилгээг нэгэн зэрэг авах боломжтой болгон үйлчлүүлэгчиддээ томоохон бэлэг барьсан билээ.  

 2023 онд White Gate салбарын шинэчлэл хийгдэж эхэлсэн ба Forum Center салбар үүд хаалгаа шинээр нээсэн. Мөн Skin Mentor үйлчилгээний оюуны өмчийн онцгой эрхээ албан ёсоор авсан. 

  2024 онд шинэчлэгдсэн White Gate салбар үүд хаалгаа нээж компани доторх бүтэц үйл ажиллагааны цар хүрээг өргөжүүлэв. 

2025 онд зайсанд байрлалтай Sila салбар шинээр үүд хаалгаа нээж хэрэглэгчид үйлчлүүлэгчдээ улам ойртсон. Distribution үйл ажиллагаа өргөжүүлж, онцгой эрхтэй брэндүүдийн хүрээг нэмсэн.

2026 онд 10 жилийн ойгоо тохиолдуулан River Plaza-д шинээр салбараа нээж, биет 3 салбартайгаар үйл ажиллагаа явуулж байна. Мөн онлайн бүтээгдэхүүн үйлчилгээ буюу Skin Guide хөтөлбөр хэрэгжүүлж эхэллээ.